Duqa Muqdisho oo ka hadlay Qorshaha Xasillinta Amniga Caasimadda “SAWIRRO”

Muqdisho, 28 May, 2018 — Duqa Muqdisho ahnaGuddoomiyaha Gobolka Banaadir MudaneCabdiraxmaan Cumar Cusmaan (Eng.Yarisow) oo ka hadlayay shir warbixino lagu siinayey hay’adaha deeq bixiyaasha laguna falan-qeynayay amniga guud eedalka oo ka dhacay Muqdisho ayaa sheegay in meelwanaagsan uu marayo qorshaha  lagu xasillinayo Amiga magaalada.

Guddoomiye Eng. Yarisow ayaa ka hadlay qorshahamaamulkiisa ee ku aadan amniga Caasimadda eexiligan ku soconaya dar-darta, waxuna tilmaamaywaqtigan in ay jirto rajo iyo ifafaalo weyn oo laga qaboin ammaanka caasimaddu soo hagaago, isla markaanala diyaariyey qorshe sal-ballaaran kana qeybqaadanayaan qeybaha kala duwan ee ciidamadda oolagu xasilinayo caasimadda si horumarka la hiigsanayoloo gaaro.

Sidoo kale, Mudane Yarisow ayaa soo bandhigayhorumarradii laga sameeyey afartii bilood ee la soodhaafay dhinacyada horumarinta kaabayaashadhaqaalaha ee caasimadda, daadajinta maamulka, u-diyaar garowga golleyaasha deegaanka iyo soo celintabilicda magaalada si ay ula tartanto caasimadaha kale ee gobolka iyo adduun kaba, iyadoo degmooyinkaMuqdisho ay ka bilowdeen  bixinta adeegyadabulshada oo qeyb muhiim ah ka qaadanaya isku xirkashacabka iyo maamulka.

“Shirkan oo looga hadlayay xasillinta amniga guud eedalka, anagu waxaan soo hordhignay qorshaha sugiddaamniga Caasimadda iyo xaaladaha guud ee magaalada, gaar ahaan guulihii la sameeyey afartii bilood ee soodhaafay, sidoo kale waxaan soo bandhignaymuhiimadda ay leedahay xal-u-helidda arrimahaBarakacayaasha iyo wax-u-qabashada dadkii ay sameeyeen roobabkii dhowaan da’ayey”.Ayuu yiriGuddoomiye Cabdiraxmaan Cumar Cusmaan oo intaas raaciyey in aragtida maamulkiisu ay tahay sidii dib loogu soo celin lahaa magaalada Muqdisho meeqaamkii ay ku lahayd adduunka.

Mudane Yarisow ayaa hoosta ka xariiqay hadafkoodaku aadan in dib loo howlgeliyo garoonka Stadium Muqdisho, maadaama uu weli deegaan u yahay Ciidamadda Midowga Afrika ee AMISOM, si uu u buuxiyo kaalintii muhiimka ahayd ee uu ka qaadan jiray isdhexgalka iyo isku xirka bulshada.

Kulankan oo Shir guddoomineyey Wasiirka Arrimaha Gudaha iyo Federaalka Mudane Cabdi Maxamed Sabriye ayay ku soo bandhigeen maamullada gobollada dalka qorshahooda ku aadan sidii xal-maangal loogu heli lahaa amniga deegaanadooda, dalkana looga sifeyn lahaa argagixisada.

Did you like this? Share it:

LEAVE A REPLY

Please enter your comment!
Please enter your name here