Duqa Muqdisho oo Madax kala duwan kula kulmay Turkiga+Sawirro

Guddoomiyaha Gobolka Banaadir ahna Duqa Muqdisho Yuusuf Xuseen Jimcaale ayaa magaalada Istanbul ee dalka Turkiga kula kulmay mas’uuliyiin ka tirsab Dowladaha hoose ee Turkiga iyo Ururo caalami ah.

Kulanka ugu horeeya ayuu Guddoomiyaha Gobolka Banaadir iyo Mas’uuliyiin ka tirsan Maamulka Gobolka waxay la qaateen Xoghayaha Guud ee Ururka Midowga Magaalooyinka Adduunka Mr Mehmet Duman iyo u qaabilsanaha arrimaha dibadda ururka midowga magaalooyinka Turkiga, kuwaasoo ay ka wada hadleen sidii ururadaasi ay uga qayb qaadan lahaayeen dhismaha ka soconaya Magaaladda Muqdisho iyo sida Muqdishu ay xubin firfircoon ugu noqon laheyd ururkan iyo iskaashiga magaalooyinka ka midka ah ururadaas.

Shirkan oo socday muddo saacad ah ayaa waxaa Duqa magaaladda Muqdisho uu uga sheekeeyay madaxdii iyo ms’uuliyiintii ka qayb gashay kulanka horumarrada la taaban karo ee ka socda Gobolka Banaadir, waxaana uu ka codsaday in ay ka qayb qaataan taabba galinta doorashooyinka golaha deegaanka ee Muqdisho.

Mas’uuliyiinta Midowga dowladaha hoose ee dalka Turkiga oo qeyb ka ahaa kulanka ayaa dhinacooda ballan qaaday in ay diyaar u yihiin ka qayb qaadashada wax kasta oo lagu horumarinayo caasimadda Somaliya.

Gaba gabadii kulanka ayaa waxaa looga hadlay daraasadaha ku saabsan dimoqradiyeynta dowladaha hoose, taasoo dhamaan xubnihii kulanka ka qayb galay ay isku waafaqeen xoojinteeda.

Gudomiyaha Gobolka Banadir ahna duqa magaaladda Muqdisho Yuusuf Xuseen Jimcaale ayaa dalka Turkiga u jooga xoojinta xiriirka ka dhaxeeya dowladdaha hoose ee Muqdisho iyo dowladaha hoose ee dunida, taasoo qayb ka ah waddooyinka fududeenaya dib u soo celinta magacii iyo sumcaddii ay lahayd Caasimadda.

duqu-1 duqu-2 duqu-3

LEAVE A REPLY

Please enter your comment!
Please enter your name here