Duqa Muqdisho oo xariga ka jaray xarunta howlwadaag oo dib u dhis lagu sameeyay “SAWIRRO”

Guddoomiyaha gobolka Banaadir ahna duqa Caasimadda Muqdisho Mudane Cumar Maxamud Maxamed (Cumar Filish) ayaa xariga ka jaray dhismaha xarunta Degmada Howl-Wadaag oo dib u dhis lagu sameeyay.

Munaasabad kooban oo lagu qabtay xarunta Degmada Howlwadaag ayaa waxaa ka qeyb galay Maamulka degmada, shacabka iyo marti sharaf kale.

Duqa Muqdisho Mudane Cumar Maxamud Maxamed (Cumar Filish) oo xariga ka jaray xarunta degmada Howlwadaag oo si casri ah loo dhisay ayaa shacabka iyo maamulka uga ku booriyay sida ay isaga kaashadeen dib u dhiska xarunta, waxaana uu bulshada Soomaaliyeed ugu baaqay inay ka qeyb qaataan dib u dhiska xarumaha danta guud ee dalka.

2 September ee sanadkii hore 2019 ayay ahayd markii argagixisada Al-Shabaab ay xarunta Degmada Howlwadaag ka geesteen qarax ay ku dhibaateeyeen dad shacab oo loo adeegayay.

LEAVE A REPLY

Please enter your comment!
Please enter your name here