Duqeyn lagu dilay Maleeshiyaad ka tirsan argagaxisada Alshabaab oo ka dhacday SH.Hoose

Dowladda Federaalka Soomaaliya oo kaashanaysa Taliska Ciidanka AFRICOM ee Mareykanka ayaa fuliyay labo duqeyn oo lagu beegsaday argagaxisada Alshabaab nawaaxiga Kuunyabarrow ee gobolka Shabellada hoose.

Duqeyntaan ayaa lagu dilay hal argagaxiye Alshabaab ah, halka lagu dhaawacay labo argagaxiso.

Duqeymaha noocan ah ayaa tusaale cad u ah sida ay uga go’antahay Dowladda Soomaaliya iyo Bahwadaagteeda Mareykanka in ay ku baabi,iyaan argagaxisada shacabka Soomaaliyeed ee aan waxba galabsan dhibaatada u geysanaysa.

Hubin ay sameeyeen DFS iyo Mareykanka  ayaa tibaaxaya in cid shacab ah aysan waxba ku noqon duqeymihii dhacay.

Dowladda Mareykanka iyada oo kasoo baxaysa dowrkeeda ka saaran dadaallada caalamiga ayaa Ciidanka AFRICOM iyo hay’adaha ay bahwadaagta yihiin ee Mareykanka ku gacansiinayaan Dowladda Soomaaliya dadaaladeeda ku aadan ka hortagga iyo xakameynta ururrada argagaxisada in ay soo abaabulaan kharbudaad baaxad leh.

Dadka Soomaaliyeed way ka soo horjeedaan Alshabaab iyo falalkooda gurracan ee ay ku gaboodfalayaan shacabka aan waxba galabsan.

LEAVE A REPLY

Please enter your comment!
Please enter your name here