Erdogan iyo Trump oo ka wadahadlay xiisadda Badda Mediterranean

Madaxweyniyaasha Turkiga Tayyip Erdogan  iyo Donald Trump ayaa telefoon kaga wadahadlay  xiriirka labada dhinac, arrimaha gobolka iyo xiisadda ka taagan badda Mediterraneanka  ee u dhexeysa Turkiga iyo Giriiga, sida uu sheegay xafiiska madaxweyne Erdogan.

Xiisadda u dhexeysa Turkiga iyo Giriiga ayaa sare u kacday markii xukuumadda Ankara u dirtay markabkeeda sahminaya biyaha lagu muransan yahay ee bariga badda Mediterranean talaabadaas uu Athenis ugu yeertay sharci daro.

Labadan dal oo ka wada tirsan gaashaan-buurta NATO ayaa si weyn isu maan dhaafay waxayna wada sheeganayaan milkiyadda kheyraadka ku jira biyahaas oo uu  kamid yahay gaas dabiiciga ah, iyadoo muranka labada dhinac  uu salka ku hayo qalfoof badeedka ay ku firirsan yihiin jaziirado Giriigu leeyahay.

 

LEAVE A REPLY

Please enter your comment!
Please enter your name here