Ergada shirka Jowhar oo billaabay aqrinta Dastuurka maamulka Labada Gobol(Sawirro)

4273

Qabya qoraalka Datuurkan Dowlad Gobooledka Hiiraan iyo Sh-dhexe, oo ka kooban 7 Cutub, ayay Maanta guda galeen iney aqriyaan Ergada shirka dhismaha maamulka Labada Gobol.

Qabya qoraalka, ayaa waxa ku jira Cutubyo muhiim ah oo ka hadlaya Astaanta maamulka, xuduudihiisa iyo nidaamka uu ku shaqeynayo Dowlad goboleedka loo dhisayo Hiiraan iyo Sh/dhexe.

Xoghayaha Joogtada ah ee Wasaarada arimaha gudaha iyo federaalka Soomaaliya, Yaxye Cali Ibraahim,ayaa sheegay in qorshuhu yahay in Ttodobaadkan lagu soo dhameeyo shirka Ergada ay ku ansixinayaan qabya qoraalka Dastuurka.

“Maanta waxa si toos ah u bilowday aqrinta qabya qoraalka dastuurka dowlad goboleedka Hiiraan iyo Sh-dhexe waxaan rajaynaynaa inay bilaabato barrito doodda qabya qoraalka dastuurka ee ergooyinka insha allah waxaana na soo gaari doono wafdi qaran oo ka socdo hay’adaha madaxa bannana ee dalka ,kuwaas oo la soconaya Dastuurka doodiisa’’ ayuu yiri Dr; Yaxye.

Xoghayaha Joogtada ah ee Wasaaradda arrimaha gudaha ,ayaa dhanka kale tilmaamay in shirka Ergada ay barbar socoto xulista xildhibaannada Dowlad Goboleedka Hiiraan iyo Shabeellada dhexe .

Wasaaradda arrimaha gudaha oo garwadeen ka ah habsami u socodka Shirkan ayaa sheegtay in Sabtida foodda nagu soo hayo uu qorshuhu yahay dhaarinta Xildhibaannada Maamul goboleedka, iyadoo dhismahiisuna lasoo gabagabayn doono 15-ka Bishan Oktoobar.

C/Shakuur Cali Axmed

Jowhar2 jowhar4 jowhar5 jowhar6 jowhar7 jowhar8

Did you like this? Share it:

LEAVE A REPLY

Please enter your comment!
Please enter your name here