Ergada shirka Jowhar oo maalinti Afaraad ka doodaysa qabyo qoraalka dastuurka+Sawirro

3158

Shirka maamul u sameynta gobollada Hiiraan iyo Sh/dhexe oo galay maalinkii Afaraad ayaa ergadu waxa ay ka doodeen maanta qabya qoraalka dastuurka dowlad goboleedka Hiiraan Sh/dhexe.

Ergada oo loo qeybiyay ilaa 5 koox ayaa dooddooda waxa ay ku saleysneeyd wax ka badalka qabya qoraalka dastuurka iyo dhameeystiirkiisu qodobada muhiimka ah oo ay ku jiraan Halka caasimadda u noqonayso dowlad goboleedka Hiiraan Iyo Sh/dhexe, Magaca dowlad goboleedka, astaanta iyo calanka maamulka.

Qaar ka mid ah Ergada ayaa sheegay iney  muhiim aheyd in masuuliyiinta dowlada gaar ahaan xoghayaha joogtada ah ee wasaaradda arimaha gudaha iyo federaalka Prof. Yaxye Cali Ibraahim iyo Gudiga fududeeynta ay kor joogta ka ahaadaan sida doddu u dhacaysay .

Waxa kale oo hoolka Farjano ee shirka yimid Xildhibaan Daahir Amiin Jeesoow oo gudoomiye xigeenka ka ah gudiga federalka arimaha gudaha iyo amniga ee Barlamaanka.

Maalmaha soo aadan marka ay idlaato doodda ergada aya lagu wada in la ansixiyo qabya qoraalka dastuurka dowlad goboleedka Hiiraan iyo Sh/dhexe loona gudbo xulista xildhibaannada labada gobol.

C/shakuur Cali Axmed Jowhar

1 2 unnamed

Did you like this? Share it:

LEAVE A REPLY

Please enter your comment!
Please enter your name here