Ergeyga Midowga Afrika ee Soomaaliya oo la kulmay khabiir xuquuqda aadanaha ah

0
886

Wakiilka gaarka ah ee midowga Afrika u qaabilsan Soomaaliya, Ambassador Francisco Madeira, ayaa xafiiskiisa magaalada Muqdisho waxaa uu ku qaabiley khabiir madax banaan ee xuquuqda aadanaha ,Mr. Bahame Tom Nyanduga.

Ambassador Madeira iyo khabiirka madax banaan ee xuquuqda aadanaha ayaa ka wada hadlay arimo badan oo ay kamid tahay howlgalada AMISOM ee ku aadan waajibka ka saaran ilaalinta xeerka caalamig ah iyo  dhowrida xuquuqul insaanka marka ay ku guda jiraan howlgalada amni sugidda ee Soomaaliya.

Khabiirka madax abaan ee xuquuqda aadanaha ayaa AMISOM ku amray inta ay wadaan howlaha soo celinta nabadda Soomaaliya ay ilaaliyaan waajibaadka ka saaran xaqiijinta xeerka caalamiga ah iyo kan xuquuqul insaanka.

Wakiilka midowga Afrika ee Soomaaliya ayaa tilmaamay in meelaha ciidanka AMISOM iyo kuwo xooga dalka Soomaaliyeed ay ka saareen kooxda Al-shabaab ay fursad u heleen in  ay sameystaan maamulo iyo in ay horumariyaan isla markaana ilaaliyaan xuquuqda aadanaha lana awooday in la gaarsiiyo kaalmada bani’aadanimada.

“Marka aan kaaga warbixino socdaalkaagii 29 May 2015, AMISOM waxaa ay sii waday  in ay tababaro ku saabsan xuquuqda aadanaha siiyo xoogaga kala duwan, si kor loogu qaado ilaalinta xeerka caalamiga ah iyo kan xuquuqul insaanka  marka ay socdaan howlgalada ay sameynayaan AMISOM, ayuu hadalkiisa ku daray.

Ambassador Madeira ayaa sheegay in  la xoojin doono ilaalinta dadka rayidka ah lagana fogaado dhibaatada loo geysanaayo isla markaana la yereeyo khasaaraha soo gaari kara dadka sahcabka ah inta lagu guda jiro howlgalada amni xaqiijinta.

“Kama tagi doono anagoo hal dhagax booskiisa ka dhaqaajinin ilaa la xaqiijiyo in dambiiliyaasha ku xad gudbay xeerka caalamiga ah iyo kan xuquuqul insaanka si buuxda loola xisaabtamaayo.” Ayuu yiri Ambassador Madeira.

Khabiirka madax banaan ee xuquuqul insaanka, Mr. Bahame Nyanduga ayaa waxaa ay u aheyd  booqashadii labaad ee Soomaaliya uu ku yimaado isla markaana uu awood u heley in ay wax ka ogaado halka ay mareyso xaaladda xuquuqda aadanaha  dalka, isagoo la kulmay xubno ka tirsan dowladda federaalka ee Soomaaliya.

Waxaana la filayaa in waxyaabaha uu Soomaaliya ku arkay uu ka hor jeedin doonn golaha xuquuqda aadanaha marka bisha September ee sanadkan ay ku kulmaan magaalada Geneva ee dalka Switzerland.

 

Did you like this? Share it:

LEAVE A REPLY

Please enter your comment!
Please enter your name here