Ethiopia iyo Eritrea oo heshiis ku saxiixaya magaalada Jeddah

586

Boqortooyada Sacudi Carabiya ayaa maanta martgelineysa kulan taariikhi ah oo u dhexeeya dalalka Ethiopia iyo Eritrea, kaas oo ka dhici doona magaalada Jeddah, sida ay sheegtay warbaahinta wadankaas.

Hoggaamiyeyaasha labada dal ayaa qalinka ku duugi doona heshiis lagu dhameyn doono colaada u dhexeysa labdaas dalka muddo 20 sano ah.

Ra’isul wasaaraha dalka Ethiopia Dr. Aby Axmed iyo madaxweynaha dalka Eritrea Isaias Afwerk ayaa halkaas ku kulmi doona maanta oo Axad ah si ay u amba qaadaan talaabooyinka lagu xoojinayo dib u heshiisiinta xukuumadaha Adis-Abab iyo Asmara ay bilaabeen bishii Luulyo ee la soo dhaafay.

Boqorka Sacuudiga Salman bin Abdulaziz Al-Sacuud  oo martida loo yahay ka sokow waxaa kale oo kulankaas goob joog ka ahaan doona xoghayaha guud ee Qaramada Midoobay Antonio Guterres iyo guddoomiyaha guddiyada Midowga Afrika Musa Faki Maxamed si ay markhaati ugu noqdaan heshiiska.

Tallaadadii la soo dhaafay, labada dal ayaa dib u furey xuduuda kala qeybisa taas oo xirneyd 20-kii sano ee la soo dhaafay.

Bishii Luulyo ee sanadkan, Ethiopia iyo Eritrea ayaa wada saxiixday heshiis lagu dhameyay colaada mudada dheer ka dhex aloosneyd laga soo bilaabo sanadkii 1998 kal kaas oo labada dal dagaal lagu hoobtay xadka ku dhex maray, colaadaas ayaa waxaa ku dhintay 80,000 oo ruux halka in ka badan 350,000 oo qof ay ku barakaceen.

Dr. Aby, Ra’iisul wasaaraha dalka Ethiopia tan iyo markii uu xafiiska qabtay bishii April waxaa uu sameeyay isbedelo aad u balaaran oo si weyn u saameysay gobolka geeska Afrika, waxaana kamid ah; heshiiska dalalka dariska ah iyo sii deynta maxaabiis siyaasadeed oo aad u badan.

Did you like this? Share it:

LEAVE A REPLY

Please enter your comment!
Please enter your name here