Ethiopia oo sheegtay in weerar hoobiyeyaal ah lagu qaaday garoomo ku yaala Ismaamulka Amxaarada

Dowlada Ethiopia ayaa sheegtay in weerar hoobiye yaal ah lagu qaaday garoomada diyaaradaha ee magaalooyinka Bahir Dar iyo Gondar Ismaamulka Amxaarada Ethiopia. .

Madaafiicda ayey dowladdu sheegtay in ay ku dhaceen dhabaha ay diyaaradaha ku cararaan ee garoomada (run way) halkaas oo qasaare ay u geysteen.

Ma jirto cid wax ku noqotay weerarka oo ay dowladdu ku eedeysay kooxda TPLF oo ay sheegtay inay ku jirto rafashadii ugu dambeysay.

Garoonka magaalada Bahir Dar ee loo yaqaan Ginbot 20 waxaa magaalada uu dhanka galbeed kaga beegan yahay 8-KM.

Garoonka Gondar ayaa isna magaalada 18-KM kaga beegan dhanka Koonfureed.

Dadka deegaanka ayaa sheegay inay maqleen qaraxyo iyo wax u muuqday rasaas la is dhaafsanayo.

 

LEAVE A REPLY

Please enter your comment!
Please enter your name here