Faah faahin ka soo baxaysa howlgalo lagu dilay horjoogayaal iyo Maleeshiyaad Shabaab ka tirsan

2546

Wasiirka Amnigga Dowlad Goboleedka Jubbaland Mudane Cabdirashiid Xasan Cabdinuur oo Shir Jiraa’id ku qabtay magaalada Kismaayo ayaa Xaqiijiyay in 38 ka Tirsan Maleeshiyadda Al-Shabaab lagu dila hawlgallo 24-saac ugu dambeyay ka dhacay deeganada Beerxaani, Kaamjaroon, Araare iyo Jamaamme.

Wasiirka oo la hadlay Jubbaland Tv ayaa sheegay in hawlgaladda ay sii socon doonan,ilaa maleeshiyada Alshabaab laga saaro deegaanada Jubbaland,waxaana howlgalkaasi fuliyay ciidmada Kumaandooska Soomaaliya,kuwa Jubbaland oo kaashanaya Saaxiibada caalamiga ah.

War qoraal ah oo ka soo baxay xafiiska madaxweynaha Jubbaland ayaa lagu sheegay in madaxweyne Axmed Madoobe uu soo dhaweeyey howlgaladaasi oo ka dhanka ah maleeshiyada Alshabaab.

Madaxweynaha ayaa bogaadiyay howlgaladaasi ka dhanka ah Alshabaab,isagoo ku booriyay in ay sii xojiyaan gulufka lagu cirib tirayo Alshabab.

Dhanka kale howlgal ay deegaanka Baladul Amiin ee Gobolka Shabeelada Hoose,gaar ahaan halka lagu magacaabo Jama Jilaayo ka fuliyeen ciidamada Kumaandooska Soomaaliya ayaa waxaa ay ku dileen horjooge ka tirsanaa Alshabab.

Horjoogaha la dilay ayaa lagu magacaabaa Cusmaan Yuusuf Mayow waxaana uu howlgalkaasi ka dhacay xarun la sheegay in Alshabaab ay  u adeegsadaan in ay ku tababaraan caruurta ay ka soo wataan waalidiintooda,taasi oo lagu magacabo SHeeklh Xasan Barsame,Sida ay SONNA u xaqiijiyeen saraakiil ka tirsan Kumaandooska Soomaaliya.

Caruurtan oo ay shabaabku ka keeneen gobolo kaladuwan ayaa da’dooda u dhexeysa 8 ilaa 15 sano jir,kuwaasi oo gud ahaan tiradooda gaaraysa 38 caruur ah.

Did you like this? Share it:

LEAVE A REPLY

Please enter your comment!
Please enter your name here