Faahfaahin ka soo baxeeysa diyaaradii ku burburtay Calicut

Mas’uuliyiinta waaxda duulista hawada ee Hindiya ayaa xaqiijiyay in Mid ka mid ah diyaaradaha shirkadda Air Indian, oo ay la socdeen 191 qof oo rakaab ah ku burburtay garoonka diyaaradaha ee Calicut, oo ku yaalla Kerala ee koonfurta dalkaasi Hindiya.

Diyaaraddan ayaa kasoo duushay magaalada Dubai, waxaana la sheegay in ay cagaha la weysay waddadii ay ku dagi laheed diyaarada, taasi oo keentay in diyaarada ay u kala go’day labo qeybood.

Wasiirka duulista Hawada dalka Hindiya Hardeep Singh Puri ayaa xaqiijiyay in Shilkaasi ay ku dhinteen dad gaaraya 18 ruux oo ay ka mid ah yahiin labo duuliye, halka 127 ruuxna ay ku dhaawacmeen shilkasi.

Maamulka garoonka diyaaradda Calicut ayaa dhankooda sheegay in tirada rakaabka saarnaa Diyaardda uu gaarayay 184 ruux oo 10 kamid ah ay ahayeen carruur, sidokale waxaa dadkaasi ku jiray lix ruux oo  shaqaalaha diyaaradda ahaa iyo labo duuliye.

LEAVE A REPLY

Please enter your comment!
Please enter your name here