Faay Cali Raage… Hooyo iyo Halyey Qaran

Marxuumad Faadumo Cali Raage oo gudaneysa waajib Qaran

Faadumo Cali Raage,  oo ku caan ahayd Faay Cali, waxa ay ahayd Gaashaanle ka tirsan Ciidanka Xoogga Dalka Soomaaliyeed

Waxa ay ahayd sarkaalad firfircoon, horay waxay uga tirsaneyd ciidanka ilaadada Madaxtooyada Qaranka , muddooyinkii dambana waxa ay ka mid ahayd saraakiisha hoggaamiya  howlgallada Ciidanka Xoogga ee ka socda caasimadda bannaankeeda.
Mar ayay soo noqotay taliyaha howl-gelinta ciidanka DANAB.

Waxa ay ahayd sarkaal karti badan oo qeyb libaax ka qaadatay dagaallo lagu wiiqay cadowga Al-Shabaab, iyadoo mar walba ku jirtay furinta hore ee dagaalka.

Sidoo kale Faay Cali Raage, waxa ay ahayd Hooyo Soomaaliyeed oo leh carruur iyo reer leh, kuwaas oo ku dadaali jirtay daryeelkooda.

Barqadii maanta oo ay tahay 17 Ramadaan, ayay  ku shahiidday qarax argagixisada Al-Shabaab ku laayeen dad Soomaaliyeed oo saa’imiin ahaa.

Faay waxaa la geeriyooday saygeedii oo isna ka tirsanaa Ciidanka Xoogga Dalka Soomaaliyeed.

Faay Cali waxa ay ifka kaga tagtay carruur uu ugu yar yahay mid dhallan 30 cisho. Iyadoo 30 cisho umul ah ayay u soo kallahday difaaca dalkeeda iyo la dagaallanka cadowga Ummadda oo aaney u kala soocneyn rayid iyo ciidan, dumar iyo carruur ama dad waayeel ah.

INNAA LILLAAH WA INNAA ILEYHI RAAJICUUN

LEAVE A REPLY

Please enter your comment!
Please enter your name here