Fanaanada Marwo Cabdi oo caawa ku geeriyootay Muqdisho

0
2412

Allaha u naxariistee waxaa caawa magaalada Muqdisho ku geeriyootay fanaanada Marwo Cabdi Axmed oo kamid aheyd fanaaniinta hobalada qaranka ee Waaberi sida uu Radio Muqdisho u xaqiijiyay agaasimha kooxda Waaberi Maxamed Xasan Barow.

Agaasimaha Waaberi ayaa intaa ku daray in fanaanada ay caafimaad qabtay maalmalahan isla markaana mar qura xanuun uu ku soo booday ugu dambeyntiina caawa maqrabadii ay ku geeriyootay gurigeeda ee magaalada Muqdisho.

Maxamed Xasan Barow, agaasimaha kooxda fanka ee Waaberi ayaa ka tacsiyeeyay geerida fanaanada isagoo tacsi u direy dhamaan ehelada iyo fanaaniinta Soomaaliyeed meel kasta oo ay caalamka ka joogaan.

Sidoo kalena geerida fanaanada waxaa ka tacsiyeeyay qaar kamid ah fanaaniinta Soomaaliyeed.

Fanaanada,Marwo Cabdi Axmed, ayaa kooxda fanka ee Waaberi kamid aheyd tan iyo 1980 meeyadii iyadoo qeyb ka aheyd jiliyaashii ruwaayadii caanka aheyd ee “Waa maadeys aduunyadu dadkuna waa ay matalayaan”.

 

 

Did you like this? Share it:

LEAVE A REPLY

Please enter your comment!
Please enter your name here