FAO oo digniin u dirtay Kalluumeysatada Puntland iyo Somaliland ka jalaabata

Hey’adda FAO ee Qaramada Midoobay ayaa uga digtay kalluumeysatada Puntland iyo Somaliland in aanay badda galin 24 saac ee socota.

FAO waxaa sheegtay in saameynta duufaanta GATI oo shalay galinkii dambe gaartay xeebaha Soomaaliya ay sababtay in mowjadaha badda ay kacaan oo aan wali la isku haleyn karin xaaladda badda.

Duufaanta oo ay la socdeen roobab xoog leh ayaa 12-saac ee la soo dhaafay ku dhufutay xeebaha waqooyi bari ee Soomaaliya .

Duufaanta oo xawaaraheedu iminka yaraaday ayaa FAO sheegtay inay u gudubtay dhanka waqooyi Galbeed.

FAO waxaa kaloo ay saadaalineysaa roobab xoog leh oo maalmaha soo socda ku hoora Puntland iyo Somaliland .

Duufaanta GATI ayaa saameysay qeybo badan ka mid ah gobolada Bari iyo Sanaag, waxayna geysatay qasaare naf iyo maal leh.

 

LEAVE A REPLY

Please enter your comment!
Please enter your name here