Faransiiska iyo Hay’adda caafimaadka adduunka oo ka wada hadlay sidii wadamada saboolka  ah loo gaarsiin lahaa talaaalka Karoona

Madaxda Faransiiska iyo Hay’adda caafimaadka adduunka WHO ayaa ka wada hadlay sidii si deg deg ah loo gaarsiin lahaa talaalaka cudurka Karoona wadamada saboolka ah  ee qaaradda Afrika iyo kuwa soo koraaya.

Madaxwaynaha Faransiiska Emmanuel Macron iyo  Agaasimaha guud ee Hay’adda caafimaadka adduunka Tedros Adhanom oo shir ku yeeshay aaladda la iska arako ayaa ka wada hadlay sida ay lagama maarmaan u tahay in wadamada faqiirka ah ay helaan  talaalka cudurka Karoona Fayras.

Macron ayaa sheegay inay  lagama maarmaan tahay in la  dar dar geliyo abaabulka lagu gaarsiin karo talaalka wadamada saboolka ah iyo kuwa soo koraaya.

Waxaa hore la qorsheeyay inuu bilaawdo olalaha talaalka ka dhanka karoona ee qaaradda Afrika todobaadyada soo socda.

Hay’adda caafimaadka adduunka ayaa dhowr jeer ku celcelisay inay muhiim tahy in wadamada saboolka helaan talaalka cudurka karoona Fayras loona qaybiyo si cadaalad ah.

Sida qorsheysan in ka badan boqol dal oo isago jira dalal sabool ah iyo kuwa soo koraaya ayaa la qorsheynaya inay helaan talaalka karoona bilaha hore ee sanadkaan.

LEAVE A REPLY

Please enter your comment!
Please enter your name here