Farriinta Maalinta Caalamiga ah ee Joojinta Tacaddiyada ka dhanka ah Wariyeyaasha

Dowladda Federaalka Soomaaliya oo garoowsan muhiimadda Warbaahintu ay u leedahay horumarka iyo dowlad dhiska, Iyadoo mudnaanta la siinayo xuriyadda hadalka iyo sidii shacabku ay heli lahaayeen xuquuqdooda dastuuriga ee ku aaddan fahamka iyo helitaanka xogta Hay’adaha Dowladda,,

Waxaa Dowladdu ay qaadday 3-dii sano ee la soo dhaafay tallaabooyinka;

  1. Meelmarinta Xeerka Saxaafadda dalka oo hagaya hannaanka, howlaha iyo xuquuqda Warbaahinta iyo Wariyeyaasha ka howlgala dalka.
  2. Dib u habeynta qeybaha Xiriirka Warbaahinta ee Xafiisyada Madaxweynaha, Ra’iisul Wasaaraha iyo Wasaaradda Warfaafinta, si loogu fududeeyo Wariyeyaasha iyo Warbaahinta helitaanka xogta, qorsheyaasha iyo waxqabadka Hay’adaha Dowladda.

3 Joogteynta kulammada  Bahda Warbaahintu iyo Ururrada Saxaafaddu  ay la qaadanayeen Madaxweynaha iyo Xukuumadda, iyagoo ku soo bandhigayey caqabadaha, baahiyaha iyo duruufaha ku xeeran shaqadooda.

  1. Xakameynta ku tagri falka awoodeed ee ka dhan ah Warbaahinta iyo Wariyeyaasha, waxa ayna Dowladdu xogga saartay in hannaanka Garsoorka Madaniga ah lagula gar dhigato Wariyeyaasha, iyadoo Maxkad Madani ah oo daah furan lala tiigsaday Wariyeyaal loo arkayey in ay ka tallaabeen xorriyadda hadalka.
  2. Xoojinta wacyigelinta Wariyeyaasha iyo ka qeyb qaadashada dadaallada kor loogu qaadayo xirfaddooda, aqoontooda iyo doorka wadaniyeed ee kaga aaddan dowlad dhiska dalkeenna.

LEAVE A REPLY

Please enter your comment!
Please enter your name here