Fatahaado horleh oo ku dhuftay deegaanno hoostaga degmada Wanlaweyn iyo dhibaatooyin ka dhashay

Shacabka ku nool deegaanno hoostaga degmada Wanlaweyn ee gobolka  Shabeellaha hoose ayaa ka cabanaya dhibaatooyin ka dhashay fatahaado horleh  oo ku dhuftay  qaar kamid ah deeganadaas.

Qaar kamid ah dadka deegaanka oo la hadlay Radio Muqdisho ayaa sheegay in ay wajahayaan xaalado bani’aadanimo oo ay kamid yihiin cuduro iyo macluul maadaama beerihii  iyo bakaaradii (god dalaga lagu keydsho) ay ka qaadeen biyaha ka dhashay fatahaada.

Shacabka ayaa xusay in deegaanada Balcad,Caday-dheere, Daba-galaay,Luluto iyo kuwa kale  ay ka jiraan xanuuno ka dhashay biyaha  oo ay kamid yihiin Duumo, Tiifow iyo Kor cuncun, taas oo ay sheegeen in dadku  aysan heysan goobo caafimaad oo ay ka helaan daawo,iyagoo carrabka ku adkeeyay in dadku ay wajahayaan daruufo adag oo dhanka nolosha ah.

Fatahaada webiga Shabeelle uu ka  geystay deegaannadaan ayaa kusoo aadeysa xilli bilo ka hor uu webigu fatahaad ka sameeyay isla tuulooyinkaan.

 

LEAVE A REPLY

Please enter your comment!
Please enter your name here