FBI oo baareysa weerarkii Masjidka Darul Faruuq-Sawirro

1888

Hey’adda Amniga Gudaha Mareykanka qaabilsan ee FBI ayaa sheegtay in ay baarayaan cidii ka dambeysay weerarkii lagu qaaday xarun Muslimiinta Mareykanka ku nool ay ku lahaayeen magaalada Bloomington ee gobolka Minnesota ee dalkaas.

Weerarka oo sida la sheegay ahaa bambada gacanta lagu sameeyo ayaa nin gaari watay ku tuurey masjidka Darul Faruq, mana jirin cid wax ku noqotay marka laga reebo in dhismaha masjidka uu gubtay.

Dad diino kala duwan aamisan oo ku dhaqan magaalada Bloomington ayaa isu soo bax ay ku taageerayeen dadka Muslimiinta ah halkaas ka sameeyay, iyadoo dadka taageerada u muujiyay uu kamid ahaa baadariga Kaniisadda magaalada Bloomington.

Maamulaha  Masjidka Darul Faruq, Maxamud Carab oo la hadlay warbaahinta Qaranka Soomaaliyeed ayaa sheegay in arintan ay ku abuurtay cabsi iyo wel wel o hor leh.

Tan iyo markii la doortay madaxweyne Trump ayaa waxaa isa soo tarayay Islaam naceebka, iyadoo dhowr jeer weeraro noocaan ah lagu qaaday xarumaha dadka Muslimiinta ay ku leeyihiin dalka Mareykanka.

 

 

Did you like this? Share it:

LEAVE A REPLY

Please enter your comment!
Please enter your name here