Gaadiid Xamuul ah oo ku xayirnaa Quracjoome ayaa maanta gaaray degmada Xudur+Dhageyso

0
3505

Gaadiid xamuul ah oo siday raashin iyo badeecooyin kala duwan una rarnaa ganacsato, islamarkaana in muddo ah ku xayirnaa deegaanka Qurac joome ayaa gaaray degmada Xudur ee xarunta gobolka Bakool.

Kaddib howlgal ay ciidamada XDS ka sameeyeen waddada isku xirta Xudur iyo Beledweyne oo ay go’doomiyeen maleeshiyaadka Shabaab ayaa maanta markii ugu horreeysay gaadiid xamuul ah oo u rarnaa ganacsato reer Xudur ah waxa uu gaaray degmadaasi.

Maamulka degmada Xudur ayaa tallaabo wanaagsan ku tilmaamay howlgalka ay ciidamadu ku fureen waddooyinka ay xireen maleeshiyaadka Shabaab, taasoo sahleysa isu socodka gaadiidka ee gobollada Bakool iyo Hiiraan.

Tirada gaadiidka xamuulka ah ee maanta gaaray degmada Xudur oo la sheegay in ay ka badnaayeen 15 ayaa sida shixnado kala duwan oo ganacsi, waxeyna tani ku soo beegmeysa xilli dadku ay baahi weyn u qabaan maaddaama lagu guda jiro bisha barakeysan ee Ramadan islamarkaana loo diyaaroobayo Ciiddulfidriga.

Did you like this? Share it:

LEAVE A REPLY

Please enter your comment!
Please enter your name here