Gaalkacyo: Baaq loo jeediyay dowladda Federaalka iyo hay’adaha samafalka

0
1026

Roobab xoogan oo todobaadyadii u danbeeyay ka da’ayay magaalada Gaalkacyo ee xarunta gobalka Mudug ayaa saameeyn ku yeeshay isu socadkii iyo dhaq dhaqaaqii ganacsi ee ka jiray qeybo ka mid xaafadaha magaalada Gaalkacyo.

Guddoomiyaha degmada Gaalkacyo Bile Diini Cali ayaa tilmaamay in roobabkii ka da’ay magaalada ay saameyn ku yeesheen dhaq dhaqaaqii ganacsi ee magaalada.

“Waxaa da’ay roob aad u lixaad weyn xiliyadii lasoo dhaafay. magaaladiina wey kala xirantay hadeey ahaan laheeyd dhinaca isku socadka dadka iyo gaadiidka, waxaa kaloo istaagay ganacsigii balaarnaa ee ka socday magaalada Gaalkacyo oo ah magaalo ku hormartay xagga ganacsiga, Raxmadda ilaaheeybaan uga mahad naqeeynaa laakiin waa arin naga baaxad weyn ka degma ahaan, waxay u baahantahay gurmad farabadan in la sameeyo” ayuu yiri Guddoomiye Bile Diini

Guddoomiyaha degmada Gaalkacyo Bile Diini Cali ayaa ku baaqay in shacabka loo gurmado, maadaama meelaha qaar ay biyaha ka sare mareen guryaha ay dadku dagenaayeen,

“Anigoo ku hadlaya magaca shacabka magaalada Gaalkacyo waxaan baaq hawada u marsiinayaa dowladda Fedaraalka Soomaaliya iyo Hay’addaha samafalka waad ujeedaan guryihii shacabka waxaa qaaday biyo, qaarkoodna biyihii ay ka sare mareen sidaa awgeed musqulaha wixii ku jiray oo qashin ahaa banaanka ayeey usoo baxeen halkaas waxaa ka imaan kara dhibaato aad u lixaad weeyn, marka waxaan codsaneeynaa in gacan nalaga siiyo sidii wax looga qaban lahaa” ayuu markale hadalkiisa ku daray Bile Diini.

Did you like this? Share it:

LEAVE A REPLY

Please enter your comment!
Please enter your name here