Gaalkacyo: Barakacayaal ka cabanaya dhibaatooyin xagga nolosha ah

271

Sagaal kun todobo boqol iyo konton (9,750) qoy oo barakacayaal kuna nool deegaanka Xaar Xaar ee duleedka bari ee magaalada Gaalkacyo ayaa cabasho ka muujiyay dhibaatooyin la xariira cunada, biyaha iyo adeegyada kale ee aas aaska u ah nolasha aadanaha kaddib markii uu maanta kormeer halkaasi ku tegay Guddoomiyaha Gobalka Mudug ee Galmudug Cabdirashiid Xaashi Cartan.

 

Qaar ka mida qoysaska barakacayaasha oo la hadlay Warbaahinta Qaranka ayaa faah faahin ka bixiyay dhibaatooyinka ay ka cabanayaan, iyagoo sheegay in aysan wax gar gaar ah oo mudooyinkii u danbeeyay kasoo gaarin hay’addaha samafalka ka shaqeeya ee ka howl gala Gobalka Mudug.

Guddoomiyaha Gobalka Mudug Cabdirashiid Xaashi Cartan ayaa sheegay in sida ugu dhaqsiyaha badan ay rajeynayaan in looga soo jawaabo cabashada qoysaska barakacayaashaa ee ku nool guud ahaan deegaanada Gobalka Mudug, isagoo sidoo kalena sheegay in maamulka Gobalku uu la xisaabtami doono Hay’addaha ku shaqade leh dhibaatooyinka laga cabanayo.

 

 

Did you like this? Share it:

LEAVE A REPLY

Please enter your comment!
Please enter your name here