Gabar xanuunsan oo la gaarsiiyay deeq lacageed “SAWIRRO”

1418

Ardayda wax ka barata dhamaan xarumaha hoostaga Mua’sasada Imaamu Shaafici iyo Barayaashooduba ayaa deeq lacageed oo gaareysa $2,000 (labo kun) gaarsiiyay Maryama Abuukar Jimcaale oo mudooyinkaan ku xanuunsaneysay magaalada Muqdisho.

Ardaydaan iyo barayaashooda ayaa ku mashquulsanaa mudooyinkii dambe sidii kaalme dhaqaale ay u gaarsiin lahaayeen Maryama kadib xaaladda inantan yar oo looga warbixiyay, iyagoo si aada uga damqaday xaaladda caafimaad ey ku sugantahay.

Qaar ka mid ah dugsiyada iyo Jaamacadaha wadanka ayaa waday sidii gacan loo siin lahaa gabadhan yari oo xaaladeeda caafimaad dhakhaatiirtu sheegtay inaan gudaha dalka waxba looga qaban Karin.

Maryama Afrika ayaa xanunka haya waxaa lagu sheegay Kansar ka asiibay xubnaha sare ee jirkeeda gaar ahaan sanka iyo  isha midig, waxaana loogu baaqay dhamaan bahweynta soomaalida iney gacan ka geystaan sidii inantaan sabab loogu naqan lahaa badbaadaneeda.

Ustaad Cabdi Shakuur oo ah madaxa waxbarashada Mu’asasada Imaamu Shaafici ayaa guddoominaayay deeqdaas maanta ay gaarsiiyeen Maryama, isagoo baaq u wada diray dhamaan umadda soomaaliyeed meel waliba ay ku suganyihiin.

Hooyo Nimco Cusmaan Tifow ayaa si aada uga mahadcelisay deeqaha isdaba joogga ah ee ay la soo gaaraayaan xarumaha waxbarashadu inanteeda, iyadoona Allaah uga barisay inuu ka abaal mariyo.

1 2 3 4 5 6 7 8 9 10

Did you like this? Share it:

LEAVE A REPLY

Please enter your comment!
Please enter your name here