Gabdho qareeno ah oo loo soo xirey aqoon isweydaarsi-Sawirro

1632

Aqoon is weydaarsi mudo sadax maalin ah uga soconayay magaalada Muqdisho in ka badan 20 haween qareeno ah oo ka kala yimid gobolada dalka, ayaa maanta waxaa soo xiray wasiir ku xigeenka wasaaradda cadaaladda xukuumadda Soomaaliya.

Ujeedka dood cilmiyeedka  ayaa ahaa sidii ay iskaashi u samayn lahaayeen una xoojin lahaayeen howsha qareenimada gabdhaha Soomaaliyeed si ay qayb uga noqdaan baahinta garsoorka dalka.

Xoghayaha joogtada ah ee wasaaradda cadaaladda ee xukuumada Soomaaliya Dr. ismaaciil jimcaale, ayaa goobta ka hadlay waxaa uuna u mahad celiyay hay’adda qaramada midoobay u qaabilsan haweenka oo gacan ka siisay wasaarada qabsoomida aqoon is weydaarsigaan.

“Waa wax wanaagsan in gabdhaha qareenada Soomaaliyeed ay kulmaan isla markaana ay ka hadlaan iskaashiga xaga shaqada iyo in ay sameestaan ururo qareeno,” ayuu yiri Dr. Ismaaciil.

Wasiir ku xigeenka wasaarada cadaaladda dowladda Soomaaliya, Ciise Wehliye Maalin, oo soo xiray dood wadaaga qareenada haweenka ah ayaa sheegay in xukuumadda Soomaaliya ay u gudbin doonaan in goob walba oo arimaha baarista dambiyada laga qayb galiyo gabdhaha qareenada maadaama  dacwooyinka haweenka ay ku wanaagsan yihiin qaadistooda gabdhaha.

“Wasaarad cadaalad ahaan aad baan idin soo dhoweynaynaa, hadaad tihiin qareeno wax walba oo lagu hor marinaayo howshiina qareenimada diyaar ayaan idiin nahay,” ayuu yiri Ciise.

Aqoon is weydaarsigaan ayaa bilowday 13 kii bishan waxayna wasaaradda cadaaladda uga gol leeheyd sidii ay u dhiiri gelin lahayd xirfadda qareennimo ee gabdhaha sharci yaqaanada Soomaaliyeed.

Did you like this? Share it:

LEAVE A REPLY

Please enter your comment!
Please enter your name here