Galmudug oo aqbashay doorasho waqtigeedii ku dhacda iyo Wasaaradda Arimaha gudaha DFS oo soo dhaweysay.

Mas’uuliyiinta maamulka Galmudug ayaa aqbalay in 4ta bisha July ee soo socota ay qabsoonto Doorashada Xildhibaanada, iyo Hugaanka sare ee maamulkaasi.

Warkaan ka soo baxay madaxda Galmudug ayaa lagu sheegay in sida ku cad warqadii ka soo baxday Wasaarada arimaha gudaha Dowlada fedraalka soomaaliya ee ku aadaneyd qabsoomida Doorashada Galmudug la isku raacay in doorashada galmudug ay dhacayso waqtiga loo asteeyey.

dhanka kale war ka soo baxay wasaarada arimaha gudaha soomaaliya ayaa lagu soo dhaweeyey Go’aanka madaxda Galmudug ee ku aadan qabsoomidda doorashada Galmudug wasaaradda arimaha gudaha soomaaliya ayaa sheegtay in dowladda ay fududeyn doonto sidii doorasho Xor iyo Xalaal ah uga dhici laheyd deegaanada maamulkaasi.

LEAVE A REPLY

Please enter your comment!
Please enter your name here