Galmudug oo daah-furtay imtixaanka shahaadiga dugsiga sare ee dolwadda

Wasiirka waxbarashada Galmudug Maxamed xaashi Dhoore ayaa magaalada Dhuusamareeb ee xarunta Galmudug ka daah-furay imtixaanka shahaadiga fasalka 12-aad ee dugsiga Sare oo deegaannada Galmudug maanta ay ku galayaan in ka badan 2,500 “labo kun iyo shan boqol” oo arday,  kuwaas oo qayb ka ah kumanaanka arday ee u fadhiistay imtixaanka dowladda.

Agaasimaha guud ee wasaaradda waxbarashada Galmudug Axmed Nuur Cusmaan Cali ayaa faah faahiyay tirada goobaha imtixaankani ka bilaabmayo wuxuuna sheegay in 2,500 oo arday ay u fariisteen deegaannada Galmudug.

Wasiirka wasaarada waxbarashada Hidaha iyo Tacliinta sare ee Galmudug Maxamed xaashi dhoore ayaa ardayda Galmudug kuwooda u fariisanaya imtixaanka shahaadiga ee dugsiga sare u rajeeyay guul, isagoo ku booriyay in ay muujiyeen dadaal dheeraad ah iyo taxadar badan.

Galmudug ayaa ka mid ah maamulada ka qayb galayay imtixaanka Qaran tan iyo markii wasaraadda waxbarashada dowladda faderaalka Soomaaliya ay dib u billaawday qaadista imtixaanka 2014-kii kaddib dowladdii dhexe ee dalka.

LEAVE A REPLY

Please enter your comment!
Please enter your name here