Daawo Sawirro: Galmudug oo lagu doortay Labo Xildhibaan oo kamid noqonaya Aqalka Hoose

Waxaa goordhaw magaalada Cadaado ee xarunta KMG ee Dowlad Goboleedka Galmudug lagu doortay labo Xildhibaan oo kamid noqonaya Aqalka Hoose ee Baarlamaanka Soomaaliya, kadib doorasho goordhaw siyaabo kala duwan u dhacday .

Kursiga hore ee Baarlamaanka waxaa ku tartamay labo Musharax oo kala ah Saciid Nuur Qeyliye iyo Nuur Daahir Diiriye, waxaana ku guuleestay Saciid Nuur Qeyliye oo helay 50-cod halka Musharax Nuur Daahir uu helay hal cod.

Waxaa kursiga labaad ee Doorashada Xubnaha Aqalka hoose iyana ku tartamay Sadex Musharax oo kala ahaa Mahad Maxamed Salaad, Cabduqaadir Cali Diiriye iyo Cabdifitaax Cabdulaahi Nuur , waxaana doorashadan lagu kala baxay Wareega Koobaad.

Wasiiru Dowlaha Madaxtoyada Soomaaliya Mahad Maxamed Salaad ayaa ku guuleestay Kursiga labaad ee aqalka hoose ku matalaya Galmudug waxa uuna helay codad gaaraya 40-cod halka Musharaxa kusoo xigay oo ahaa Cabduqaadir Cali Diiriye uu helay 10 cod ,Musharaxa sedexaad ayaan helin wax cod ah, waxaana xumaaday hal cod oo kale.

Doorashada maanta ka bilaabatay Magaalada Cadaado ayaa ku bilaabatay jawi aad u wanaagsan, waxaana goordhaw la filayaa in la doorto Kursiga Sadexaad ee aqalka Hoose ay ku tartamayaan Labo Musharax oo kala ah Qaasim Maxamed Jaamac iyo Cabdirisaaq Cabdulaah Jaamac.

diriye 5 diriye 6 mahad 1 mahad 2 mahad 3 mahad 8 mahad 9 mahad 10 mahad 11 mahad 14 diiriye

Did you like this? Share it:

LEAVE A REPLY

Please enter your comment!
Please enter your name here