Galmugud oo sheegtay in ay la hadlayaan qeybta ASWJ ee ku sugan Dhuusamareeb

0
1381

Maamulka Galmudug ayaa sheegay in ay gacan wada-hadal u fidinayaan kooxda ka go’day ASWJ eek u sugan degmada Dhuusamareeb si loo xalliyo waxyaabaha ay tabanayaan.

Wasiir ku xigeenka warfaafinta Galmudug Daahir Fiidow ayaa sheegay in maamulka Galmudug uu mar kasta doonayo in wada-hadal iyo si nabad ah lagu dhammeeyo tabashooyinka dadka ku nool Mudug iyo Galguduud.

“Maamulkii ASWJ ee kol ka arrimin jiray Dhuusamareeb dowladda Galmudug heshiis ayuu la saxiixday, Galmudug ayayna ka mid yihiin, dadkii ka haray ee la baxay magaca Sufa ee jooga Dhuusamareeb, maamulku bayaan ayuu ka soo saaray, oo ah inuu u fudinayo gacan wada-hadal, maamulkunu wuxuu diyaar u yahay cid kasta oo wax tabanaysa” ayuu yiri Daahir.

Madaxweynaha Galmudug Cabdikariim Xuseen Guuleed iyo hoggaanka sare ee ASWJ ayaa heshiis ku kala saxiixday degmada Cadaado, ayadoo golaha wasiirada maamulkaasi lagu daray xubno metelaya ASWJ, hase yeeshee koox kale oo sheegtay inay heshiiskaas ka soo horjeeddo ayaa la wareegay degmada Dhuusamareeb ee gobolka Galguduud, ayagoo sheegay inaysan heshiiskaas qeyb ka ahayn.

Did you like this? Share it:

LEAVE A REPLY

Please enter your comment!
Please enter your name here