Ganacsatada oo looga digay inay qashinka ku soo daadiyaan waddooyinka

858

Taliyaha Qeybta Waliyow Cade ee Ciidanka Booliska Maxamed Daahir Cabdullaahi ayaa ganacsatada uga digay inay qashinka ku soo daadiyaan waddada Maka Al-mukarama oo hal bowle u ah isu socodka gaadiidka iyo dadweynaha.

Taliyaha oo la hadlay Warbaahinta xilli uu ku guda jiray howlo kormeer ah ayaa waxa uu sheegay inay jiraan ganacsato xeer ka dhigtay in qashinka ay ku soo daadiyaan afaafka hore ee goobahooda ganacsiga, gaar ahaan kuwa ku yaalla wadada Maka Al-mukarama, waxaana uu ka digay in ciddii lagu hela laga qaadi doono tallaabo sharciga waafaqsan.

Dhanka kale Afayeenka Maamulka gobalka Banaadir Cabdifitaax Cumar Xalane ayaa dhankiisa Warbaahinta u sheegay in dowladda Hoose ee Xamar ay kal hore sharciyo ka soo saartay ganacsatada waddada qashinka ku soo daadinaya, isgaoo xusay in dhawaan ay lacag ganaax ah ka qaadeen ganacsato uu ku sheegay inay qeyb ka ahaayeen nadaafad darrida, qaar ka mid ah waddooyinka caasimadda.

Shacabka ku dhaqan degmooyinka gobolka ayaa habeen iyo maalin waxa ay ku howlanyihiin bilic soo celinta caasimadda, kuwaasi oo aad ku arkeyso iyaga oo qashinka na nadiifinaya waddooyinka waa weyn ee caasimadda, xilli ay jiraan shaqsiyaad caadeystay in qashinka ay soo dhigaan bartamaha faras magaalada.

 

 

Did you like this? Share it:

LEAVE A REPLY

Please enter your comment!
Please enter your name here