Ganacsatada oo loogu baaqay inay ka qeyb qaataan dib u dhiska xarumaha danta guud

0
746

Isutaga Urur Weynaha Shaqaalaha Soomaaliyeed ayaa ugu baaqday Ganacsatada iyo shaqaalahaba inay ka qeyb qaataan Mashruuca Dalkaaga Dhiso oo lagu dhisayo xarumaha Danta Guud iyo waddooyinka magaalada.

Guddoomiyaha Isutaga Urur Weynaha Shaqaalaha Soomaaliyeed Maxamed Cabdullaahi Xaaji ayaa sheegay in bulshada Soomaaliyeed looga baahanyahay inay gacan ka geystaan xarumaha danta guud ee la dhisayo, isla markaana lacagta ay baxsadeena kula xisaabtamaan dadka ku howlaha mashruuca dalkaaga dhiso.

“Deeqaha an noo keenaan dowladaha caalamka, lacagaha ay noo keenayaan waxaa laga soo uruurriyaa dadka, sidoo kale dalalka carabta marka ay wax na soo gaarsiinayaan waxa ay ka soo uruurriyaan masaajidda oo dadka waxheysta ay sadaqeysanayaan, marka waxaan rabaa in Ummadda Soomaaliyeed ay isku duubnaadaan oo ay ka qeyb qaataan dib u dhiska xarumaha danta guud, maadaama bulshada loogu adeegayo” ayuu yiri Maxamed Cabdullaahi Xaaji.

Guddoomiyaha Isutaga Urur Weynaha Shaqaalaha Soomaaliyeed oo baaq u diraya ganacsatada Soomaaliyeed  iyo inta wax heysata ayaa yiri “Shaqaalaaha shirkadaha ganacsiga ku leh dalka haddii ay min hal doolar iska aruurriyaan wax badan ayay qaban kartaa, marka waxaan dhiiri gelinayaa in bulshada ay u istaagto sidii ay isu gurman lahaayeen, kana qeyb qaadan lahaayeen dib u dhiska xarumaha shacabka loogu adeegayo ee danta guud ah”

 

 

Did you like this? Share it:

LEAVE A REPLY

Please enter your comment!
Please enter your name here