Ganacsato Boob Loogu Geystay South Africa Oo Dib U Bilaabay Howlahooda “Sawirro”

0
2062

Ganacsato Soomaaliyeed oo Dhawaan Boob Hantiyadeed Loogu geystay Deegaano Hoos Yimaada Magaalada Cape town ayaa dib u howlgalinaya goobihii ganacsi ee dhawaan boobka loo geystay.

Wada hadalo qaatay Maalmahii la soo dhaafay ee isbuucaan una dhaxeeyay qaar ka mid ah jaaliyada soomaalida iyo mas’uuliyiin ka tirsan police-ka xaafada Phillipi iyo waliba gudi ay iska soo xuleen dadka deegaankaasi ee south Africanka ah ayaa ugu dambeyn waxaaa la isla gartay in soomaalida dib ugu soo laaban karaan goobahii ganacsiga ee laga boobay todobaadkii lasoo dhaafay.

Wariyaha Warbaahinta Qaranka Ee Dalka South Africa C/laahi Maxamuud Amiin (C/laahi Qorshe) oo booqday ilaa dhowr xaafadood oo ka tirsan deegaanka phillipi oo lagu boobay goobaha ganacsiga soomaalida waxuuna ku so arkay in baddan raadadkii ay reebeen rabshadahii ka dhacay halkaasi waxaa sido kale halkaasi wali ka muuqday dukaamo badan oo dab la qabad siiyay guud ahaan ku burburay iyo sido kale goobo ganacsi oo si weyn loo bur buriyay.

Qaar ka mid ah ganacsatada soomaalida oo kula kulmay deegaanadaasi kuwaasi oo xilligaa ku mashquulsanaa dhismo ay ku sameynayeen goobihii ganacsiga ee laga gubay iyo sido kale kuwii burburka uu soo gaaray qaarkood ayaa ku mashquulsanaa hagaajinta iyo dajinta alaabihii ay ku iibin lahaayeen goobaha ganacsiga.

Zakariye Maxamed Maxamuud waxaa uu ka mid ahaa dhalinyarada Soomaalida ee ka shaqeynayay xaafada pillipi 24-kii bishii lasoo dhaafay waxaa uu nasiib u yeeshay in uu ka badbaado dukaankiisa oo ay dab qabad siiyeen boqolaal shacab south africaan ah oo careysnaa .

“Xilli maqrib ay aheyd halmar ayaa waxaan arkay dad badan oo ku soo yaacaya dukaanka kaddib waxaan isku daynay in aan ka baxno lakiin dab ayeyba markii ku shideen illaah mahadii waan ka baxnay qeyb dambe lakiin wax noo haray majiraan xitaa dharkii waaa ay gubeen”

Sidoo kale wariyaha intii uu ku sugnaa halkaasi waxa uu la kulmay labo ruux oo dadka deegaanka ah isagoo weydiiyay dareenkooda sida ay u arkaan goobaha ganacsiga soomaalida ee dib loo furayo waxaana ay sheegeen in ay aad ugu faraxsan yihiin soo laabashada ayaga oo intaa raaciyay in malmahii ay maqnaayeen ay dhibaato weyn kala kulmeen adeeg yada aas aasiga ah ay ka heli jireen dukaamada soomaalida.

Mid kale ayaa yiri ”waaan ku faraxsanahay in ay soo laabteen walaalaheena soomaalida waxaan ka heli jirnay cawinaad aan ka helin kuwa ganacsatada ee south africaanka ah dhibaatada gaartay soomaaida aad baan uga xumahay”

Guddoomiye ku xigeenka jaaliyada Save Soomaali Abdi Calas Maxamuud Guure oo aan kula kulmay xaafada Phillipi ayaa ii sheegay in dadaal dheer ay u galeen sidii dib loogu soo celin lahaa ganacsiga soomaalida isla markaana ay ka shaqeeyeen xal u helida dhibaatadii kala gaartay soomaalida iyo shacabka south africaanka ah.

Si kastaba ha ahaatee xaalada deegaanada phillipi oo hoos yimaada magaalada Cape town ayaa guud ahaan dagan waxaa iminka laga dareemayaa dhaqdhaqaaqa dib u labaashada oo ay wadaan ganacsatada soomaalida ee ku nool dalka koofur africa.

IMG_5663

IMG_5665

IMG_5669

IMG_5670

IMG_5671

IMG_5672

IMG_5675

IMG_5679

IMG_5683

IMG_5684

IMG_5687

IMG_5695

IMG_5697

IMG_5702

IMG_5703

IMG_5706

IMG_5710

IMG_5714

IMG_5724

IMG_5725

Did you like this? Share it:

LEAVE A REPLY

Please enter your comment!
Please enter your name here