Garoonka diyaaradaha ee magaalada Jowhar oo dib u dayactir lagu sameeyay

0
1802

Maamulka Gobolka Shabeelahada Dhexe ayaa  soo gabagabeeyay dib u dayactir lagu sameeyay Garoonka Diyaaradaha ee magaaladda Jowhar, waxaana maamulku sheegay inuu dib u bilaabanayo duulimaadyadii diyaaradaha ee gobolka.

Afhayeenka maamulka Gobolka Shabeelaha Dhexe Daa’uud Xaaji Cirrow oo la hadlay Radio Muqdisho ayaa sheegay in muddo ku dhow toban sano uusan shaqeyn garoonkii diyaaradaha ee Jowhar, isla markaana ay iminka ku guuleysteen in ay dib u dayactir ku sameeyeen garoonka.

“Garoonka aad ayuu u baaxad weynyahay oo 3km ah, runtii dib u dayactir ayaan ku sameynay, marka wixii hadda ka dambeeya garoonka waxa ku soo dagi kara diyaaradaha, waxaana diyaar u nahay in aan dib u howlgelino garoonka” ayuu yiri afhayeenka.

Afhayeenka ayaa xusay mas’uuliyiin ka socda shirkadaha duulimaadka ay tegeen garoonka diyaardaha ee magaalada Jowhar, si ay u soo qiimeeyaan in garoonka ay ku soo degi karaan diyaaradaha, waxaana uu intaa ku daray in mas’uuliyiintii shirkadaha ay ku qanceen sida dib u habeynta loogu sameeyay garoonka diyaaradaha magaalada Jowhar ee xarunta gobolka Shabeelaha Dhexe.

 

Did you like this? Share it:

LEAVE A REPLY

Please enter your comment!
Please enter your name here