Geerida Burci Maxamed Xamsa oo la xaqiijiyay iyo mas’uuliyiin ka tacsiyeeysay geerida marxuumka

2735

Waxaa la xaqiijiyay Allaha u naxariistee geerida Wasiiru Dowlihii Xafiiska R/wasaaraha Soomaaliya ee Arimaha Bay’adda Burci Maxamed Xamza.

Allaha u naxariistee wasiirka ayaa la sheegay in uu ku dumay qolkii uu ka daganaa hotelka Naasahablood 1 oo shalay ay weerareen maleeshiyaadka argagixisada Shabaab.

Wasiirka Wasaaradda Arrimaha Dibadda iyo Dhiirigelinta Maalgashiga ee Jamhuuriyadda Federaalka Soomaaliya Dr. Abdusalam Hadliye Omer, Wasiiru dowlaha Khaled Omar Ali , Wasiir ku xigeenka  Ahmed Ali Mohamed “ Kadiye” , Xoghayaha joogtada Wasaaradda Danjire Ali Mohamed Ali,  Agaasimayaasha Waaxyaha, Safiirada, Qunsulada guud , La taliyeyaasha Wasaaradda iyo dhammaan Saraakiisha Wasaaradda Arrimaha Dibadda iyo Dhiirigelinta Maalgashiga ayaa ka tacsiyeeyay geerida marxuum Xamsa.

Marxuum Burci Maxamed Xamsa oo xilal kala duwan ka soo kala qabtay dowladihii kala duwanaa ee dalka soo marayay si gaar ah Wasaaradaha Deegaanka, Maaliyadda iyo Arrimaha Dibadda, waxa uu ahaa siyaasi, macallin iyo barbaariye ku xeel dheeraa ku hadalka iyo qoridda in ka badan shan luqadood.

Haddaba, annagoo ka murugeysan, kana tiiraanyeysan geerida Marxuumka , ayaa waxaan Allah uga baryeynaa inuu u naxariisto, qabrigiisana nuur iyo neecaaw udgoon ku siiyo, hoygiisana ka dhigo Jannada sare ee Alfardows , qoyskiisa, ehelladiisa iyo asxaabtiisana Samir iyo iimaan ka siiyo – Aamiin.

INNAA LILLAAH WA INNAA ILEYHI RAAJICUUN

Did you like this? Share it:

LEAVE A REPLY

Please enter your comment!
Please enter your name here