Golaha Abwaanada Oo Xubnaha Baarlamaanka Ugu Baaqay In Ay Ansixiyeen Xukuumadda Cusub

913

Kulankani maanta magaalada Muqdisho ay yeesheen xubnaha Golaha Abwaannada ayaa waxa ay ugu baaqeen Baarlamaanka Dalka in uu ansixiyo Xukuumadda Cusub ee uu soo dhisay Ra’isul wasaare Cumar C/rishiid Cali Sharmaarke, iyadoo isla qadka Telefoonka uu uga qayb galay Guddoomiyaha golahaasi Abwaan Maxamed Cabdullahi Ciise Sangub oo ku sugan dalka Jabuuti.

Gudiga Fulinta Golaha Abwaanada ayaa baaq u soo jeediyay xubnaha baarlamaanka kaasi oo ku aadan in xukuumada si Shuruud la,aan ah loo ansixiyo maadaama Maalinta beri ah loo balansan yahay in Xukuumada la hor geeyo Baarlamaanka si ay go’aan uga gaaraan

Guddoomiye Ku xigeenka Golaha Abwaannada Abwaan Xirsi Dhuux Maxamed Wehliye ayaa sheegay in iyaga oo ka wakiil ah Shacabka ay doonayaan in xubnaha Baarlamaanka ay ansixiyaan Golaha Wasiirada ee la soo magacaabay si horey ay ugu sii socdaan howlaha socda.

Maalinta Beri ah ayaa waxaa la filayaa in Baarlamaanka Dalka la horgeeyo Xukuumada uu soo dhisay Raisul Wasaare Cumar C/rashiid si ay u meel mariyaan.

Did you like this? Share it:

LEAVE A REPLY

Please enter your comment!
Please enter your name here