Golaha Aqalka Sare oo ansixiyay Hindise sharciyeedka Doorashooyinka Qaranka heer Federaal “SAWIRRO”

Kulankii 35aad ee Kalfadhiga 6aad ee Golaha Aqalka Sare Baarlamaanka Federaalka Soomaaliya oo uu shir guddominayay Guddomiyaha Golaha Aqalka Sare ee Senator Cabdi Xaashi Cabdullaahi ayada ay ku-wehliyaan Guddomiye Ku-xigeenka 1aad ee Golaha Aqalka Sare Senator Abshir Maxamed Axmad iyo Guddomiye ku-xigeenka 2aad ee Golaha Aqalka Sare Senator Moowlid Xuseen Guhaad ayaa looga hadlay hindise sharciyeedka doorashooyinka Qaranka.

Guddomiyaha Guddiga ku-meel gaar ka ah ee ka- Baraandegista Hindise-Sharciyeedka Doorashooyinka Qaranka ayaa ka hor akhriyay Golaha Aqalka Sare Warbixinta Akhrinta 3aad ee Hindise-sharciyeedka Doorashooyinka Qaranka heer Federaal.

Dood dheer kaddib Xildhibaannada Golaha Aqalka sare aya ansixiyey Hindise-sharciyeedka Doorashooyinka Qaranka heer Federaal.

Guddoomiyaha Golaha Aqalka Sare ee Baarlamaanka Federaalka Soomaaliya Senator Cabdi Xaashi Cabdullaahi ayaa yiri “Waxaa Ogaalatay 27 Senator, Waxaa diiday 6, Cidna kama amuusin, sidaas ayuuna ansax ku yahay sharciga”

LEAVE A REPLY

Please enter your comment!
Please enter your name here