Golaha Aqalka sare oo ka tacsiyadeeyay qaraxii Ex-koontarool Afgooye

Gudoomiyaha Golaha Aqalka sare Barlamaanka Federaalka Soomaaliya Mudane Cabdi Xaashi Cabdulaahi oo ku hadlaya Golaha ayaa tacsi u diray shacabka Soomaaliyeed, gaar ahaan ehelada dadkii ku geeriyooday qaraxii argagixisada ay la beegsadeen dad rayid ah oo ku sugnaa Ex. Kontorol Afgooye.

Senator Cabdi Xaashi Cabdullaahi Guddoomiyaha Golaha Aqalka sare ayaa sheegay in gebi ahaanba la baajiyay kalfadhigii maanta ay Goluhu isugu yimaadeen, ayna xanuunka la qaybsanayaan shacabka Soomaaliyeed ee dhibta ka soo gaartay xasuuqii argagixisada Al-Shabaab ay ka  geysteen isgoyska Ex-koontarool Afgooye.

Guddoomiyaha Golaha Aqalka sare ayaa sheegay in ajandaha kulankii maanta uu ahaa akhrinta 2aad ee sharciga saxaafadda, waxaana uu intaa ku daray in Golaha Aqalka sare uu maanta u aqoonsaday maalin tacsi, sidaasna ay ku baajiyeen kulankii ay lahaayeen.

 

LEAVE A REPLY

Please enter your comment!
Please enter your name here