Golaha wasiirrada Itoobiya oo xaalad degdeg ah geliyay gobolka Tigreega

Golaha wasiirrada Itoobiya ayaa lix bil oo xaalad deg deg ah ku soo rogay gobalka Tigreega ee waqooyiga Itoobiya.

Xafiiska ra’isul wasaaraha ayaa sheegay in xaaladda gobalka ay la socon donaan oo ay maamuli doonaan koox uu hoggaaminayo taliyaha ciidanka.

Arintan ayaa timid kadib markii xalay ra’isul wasaaraha Itoobiya Abiy Ahmed uu amray ciidanka tallaabo milatari oo ka dhan ah TPLF ciidanka Tigreega.

Abiy Ahmed wuxuu sheegay in TPLF weerareen saldhigyada ciidanka Itoobiya ee gobalka Tigreega ayna isku dayeen in ay boobaan hubka culus ee ciidanka federaalka.

Waxaa hawada ka maqan qadka internetka iyo taleefanada gobalka tigreega, gaar ahaan magaalada xarunta ah ee Mekelle .

Ra’isul wasaarahu wuxuu sheegay in xumumadda uu dulqaadkii ka dhamaaday kadib markii tigreegu kasoo gudbeen qadkii casaa.

Tan iyo markii uu xafiiska yimid Abiy Ahmed sanadkii 2018 xiriirka tigreega iyo dowladda federaalka ma ahayn mid wanaagsan.

Xaaladda ayaa xumaatay kadib markii Tigreega qabsadeen doorasho u gaar ah, taas oo golaha federaalka ee aqalka sare iyo xukumadda federaalka ay sharci darro ku tilmaameen.

5 –tii Oktoobar waxaa madaxda gobalka tigreega ay sheegeen in aanay dowaladda federaalka sharciyan aqoonsaneyn maadaama xilkii ka dhamaaday oo aanay doorasho qaban.

Aqalka sare ee baarlamaanka Itoobiya ayaa dowladda u sheegay in ay xiriirka u jaraan maamulka tigreega oo aanay la macaamilin

Wixii muddadaas ka danbeeyay xiriirka tigreega iyo dowladda dhexe wuxuu ahaa mid Aad u liita.

LEAVE A REPLY

Please enter your comment!
Please enter your name here