Goobaha ay ka socdaan barnaamijka Isxilqaan oo la kormeeray

Wasiirka Wasaaradda Howlaha Guud iyo Dib u dhiska Xukuumadda Federaalka ah ee Soomaaliya Mudane Cabdi Aadan Hoosow iyo xubno ka socda Wasaaradda oo isugu jira Aqoonyahano iyo Injineero dhismo ayaa kormeer howleed ku tegay Maktabadda Qaranka, Tiyaatarka, Madxafka iyo Taalada Xaawo Taako.

 

Xarumaha ay kormeerka ku tegeen mas’uuliyiinta ayaa waxaa ka socda barnaamijka isxilqaan oo shacabka Soomaaliyeed ay dib ugu dhisanayaan goobaha danta guud ee ku bur buray dagaalladii dalka ka dhacay,

Maryan Amiin oo ka mid ah howlaha loo xilsaaray barnaamijka Isxilqaan ayaa sheegtay in howlaha isxilqaan uu si habsami leh u socda, haatanna la bilaabay xarumo cusub oo lagu dhisayo isxilqaan.

Mudane Cabdi Aadan Hoosow Wasiirka Wasaaradda Howlaha Guud iyo Dib u dhiska Xukuumadda Federaalka ah ee Soomaaliya ayaa sheegay in kan Wasaarad ahaan ay mas’uuliyadoodu tahay la socodka, ka warqabka, dhiiri gelinta iyo ka mira dhalinta barnaamijka Isxilqaan.

Dhamaan goobaha uu ka socda barnaamijka Isxilqaan ayaa waxaa ka muuqdo isbadal bilow u ah horumarka iyo dib u dhiska goobaha danta guud, waxaana ka qeyb qaata shaqaalaha rayidka ee dowladda, ciidamada qalabka sida iyo qeybaha kala duwan ee bulshada ku nool caasimadda.

Dhinaca kale shaqaalaha Wasaaradda Howlaha guud ayaa howlo nadaafadeed ka fuliyay xarunta Wasaaradda.

 

LEAVE A REPLY

Please enter your comment!
Please enter your name here