Goobo Ganacsi oo ay leeyihiin Soomaali ayaa Lagu Boobay Magaalada Cape Town

1077

Banaan baxyo rabashado wata oo ay dhigayaan shacab south africaan ah oo careysan ayaa waxaa ay ka dhacayaan deegaanka lagu magacaabo Dunoon ee hoos yimaada magaalada Cape town ee dalka South arica.

 Banaan baxayaaasha ayaa la sheegay in ay ka cabayaan guryo la,aan  iyo waliba adeeg yo kale oo ay u baahan yihiin waxaana la sheegay in dowlada hoose ee magaalada cape town codsi ay u dirsadeen ay ka waayeen wax jawaab ah ayada oo cabashadooda ay soo jiitameysay labadii bil ay ugu dambeysay.

Maalin nimadii axada ayaa banaan baxayaasha waxaa ay ku dhaqaaqeen boob loo geystay goobaha ganacsiga oo ay leeyihiin dadka ganacsatada Soomaalida ee ku nool xaafadaasi  ayadoo ay cagta mariyeen in ka badan ilaa 20 dukaan sida uu warbaahinta qaranka u sheegay Axmed aadan xasan oo ka mid ah dhalinyarada soomaalida ee halkaasi ku nool.

“Dukaamada la Boobay waxaa ay Gaarayaan ilaa 23 ilaa 25 Dukaan wax yar ayaa ka badbaaday waxaa naga sii daran ajaanibta kale ee la boobay ayagana soomaalida la boobay waxaa ay isaga baxeen hada walina xaalada waa kacsan tahay”

Mid ka mid ah madaxda community xaafada dunoon oo lagu magacaabo Lubabalo Makaleni ayaa warbaahinta u sheegay in boobkaan loo geysanayo dadka ajaanibta uusan aheyn mid la xariira naceyb loo qabo dadka qaxootiga ah balse kooxo burcad ah oo kusoo dhax dhuuntay banaan baxayaasha ay geysanayaan falalka noocaani ah.

Ciidamo fara badan ayaa la geeyay goobaha ay ka dhacayaan rabashadaha waxaana ilaa iminka kacsan xaalada deegaanka Dunoon ayada oo inta badan ganacsatada ee ka badbaaday boobka deegaankaasi ka dhacay ay isaga soo baxeen.

Did you like this? Share it:

LEAVE A REPLY

Please enter your comment!
Please enter your name here