GOS oo Booqatay xarunta tababarka Xulka Qaranka cayaaraha Fudud ”SAWIRRO”

1629

Mas’uuliyiin ka socotay Guddiga Olombikada Soomaaliyeed oo uu horkacayey xoghayaha guddigaasi Duraan Axmed Faarax ayaa kormeer hawleed ku sameeyay garoonka tababarka cayaartoyda orodada ee xulka Qaranka Soomaaliyeed oo diyaar garow ugu jra cayaaraha (All African Games) kuwaasoo bisha September ee sanadkan ka dhici doona dalka Congo.

Xoghayaha GOS oo halkaasi kula hadlay orodyahanada oo isugu jiray wiilal iyo gabdho ayaa u sheegay in ay xerada ku jiri doonaan mudo 4ta bil ee soo socota, taasina ay tahay xili wanaasgan oo ay ugu diyaar garoobi karaan tartanka All African Games.

Duraan ayaa dhanka  kale cayaartoyda kula dar-daarmay in ay noqdaan kuwa u hogaansama amarada macalimiintooda, isla markaana tababarka ay si wanaagsan u qaataan,

“Guddiga Olimbikada Soomaaliyeed waxaa uu aad ugu dadaali doonaa sidii aad u heli lahaydeen waxyaabaha aad u baahan tihiin si aad tababar wanaagsan u heshaan, idinkana waxaa la idinka rajaynayaa in aad kaalintiina ka soo baxdaan guulaha iyo horumarka la idinka filayana ku dadaashaan”.ayuu Xoghayaha hadalkiisa ku soo gebageeeyay.

Cayaartoyda u xaraysan diyaargarawga cayaaraha Afrika ayaa ka kooban 12 cayaartooy, 9 wiil iyo 3 gabdhood, waxaana tababarka siin doona 3 macalin oo ka mid ah macalimiinta cayaaraha fudud ee dalka, ayagoo xaraysnaan doona ilaa bisha August ee sanadkan.

DSC08834 - Copy DSC08788 - Copy DSC08793 - Copy DSC08801 - Copy DSC08804 - Copy DSC08834 - Copy IMG_8822 - Copy IMG_8867 - Copy IMG_8885 IMG_8910

W/D: Xuseen Maxamed Hadaafow

Nocsom Media Department

 

Did you like this? Share it:

LEAVE A REPLY

Please enter your comment!
Please enter your name here