Guddi u xilsaaran nabad-galyada iyo ilaalinta xabad joojinta oo looga dhawaaqay Gaalkacyo+Sawirro

0
3646

Kulankan lagu ansixinayay guddiga oo lagu qabtay garoonka diyaaradaha Cabdullaahi Yuusuf ee magaaladda Galkacayo, waxaa ka qaybgalay R/wasaaraha Soomaaliya Cumar Cabdirashiid Cali Shama’arke, madaxweynaha Puntland Cabdiweli Gaas , madaxweynaha Galmudug C/kariim Guuleed, guddoomiyayaasha gobolka Mudug ee labada dhinac, Saraakiisha ciidamadda iyo odoyaasha dhaqanka

Labada madaxweyne waxay magacaabeen guddi isku dhaf ah oo ka kooban 18 xubnood, kaasi oo ka shaqayn doona nabadaynta iyo ilaalinta xabadjoojinta dagaalka Galkacayo.

Madaxweynaha Puntland oo ka hadlay kulanka wuxuu sheegay in bulshada ku dhaqan magaalada Gaalkacayo ay waajib ku tahay inay ilaashadan walaalnimada iyo deris wanaaga ka dhexeeya, isla markaana ay u jihaystaan jidka horumarka iyo xasilinta degaankooda.

Madaxweynaha Galmudug oo isna hadal kooban ka jeediyay kullanka wuxuu tilmaamay sida uu maqsuudka uga yahay qaabka wanaagsan ee uu u socda shirka nabadaynta Galkacayo, waxaa kaloo uu sheegay inay ka soo baxeen ballantii shalay ee ahayd samaynta guddiga isku dhafka ah ee ka shaqaynaya nabadaynta Galkacayo.

Guddiga la magacaabay waxaa dhinac Galmudug madax u aha Madaxweynaha Galmudug C/kariim, waxaana ka mid ah guddoomiyaha iyo Duqa Degmada Galkacayo dhinac Gal-mudug.  Dhinac Puntland waxaa hoggaminaya 1 Xasan Maxamed Abgaalow oo ah  Gudoomiyaha Gobalka Mudug dhinac Puntland, Maxamed Yaasiin Tumey Duqa magaalada Gaalkacyo iyo Jen. Muxuyadiin Axmed Muuse, taliyaha La dagaalanka Argagixisada.

Guddigan ayaa shaqadiisu noqon doontaa nabadaynta iyo ilaalinta xabad joojintii lagu dhawaaqay,  waxayna qiimayn  ku sameeyaan sida ugu wanaagsan ee looga gudbi karo xasilooni iyo nabad gelyo waarta oo ka dhacda gobolka Mudug.

R/wasaaraha Soomaaliya Cumar Cabdirashiid oo kulanka ka hadlay ayaa ugu baaqay labada hoggaamiye  inay ka shaqeeyaan sidii ay magaalada ugu soo laaban lahaayeen dadkii barakacay, islamarkaana masuuliyad la iska saaro in dhibaatada Galkacayo aysan mar dambe soo noqon.

 

12-111-17-16-25-24-23-2

Did you like this? Share it:

LEAVE A REPLY

Please enter your comment!
Please enter your name here