Guddiga Adeegga Bulshada Ee Baarlamaanka Oo Booqday Dhaawacyada Isbitaal Madiina+Sawirro

Guddoomiyaha Guddiga adeega bulashada ee Baarlamaanka Soomaaliya Dr Cismaan Maxamuud Dufle iyo xubno ka tirsan Guddiga ayaa maanta booqday bukaanada ku jira isbtaalka Madiina, gaar ahaan dadkii ku dhaawacmay weerarkii argagixisada Al-Shabaab ay ku qaaday maqaaxi ku taala xeebta Liido ee magaalada Muqdisho.

Guddoomiyaha iyo xubnaha ku waheliya kormeerka ayaa booqday qeybaha kala duwan ee isbitaalka Madiina, halkaasi oo ay ka socotay howlo dayactir ah oo dib loogu howglgelinayo qeybo hor leh oo isbitaalka ka mid ah, iyadoo intii ay kormeerka ku jireen ay xog wareysi la yeesheen qaar ka mid ah bukaanada ku jira isbitaalka.

Agaasimaha Isbitaalka Madiina ,Dr Maxamed Yuusf ayaa wafdiga uga warbixiyay xaalada caafimaad ee bukaanada ku jira isbitaalka Madiina.

Dr Cabdsiis Sheekh Yuusuf Direed, oo ah Guddoomiyaha Gudi Hoosaadka Caafimaadka ee Baarlamaanka Soomaaliya ayaa bogaadiyay madaxda iyo howlwadeenada isbtaalka Madiina adeegyada ay u hayaan bulshada Soomaaliyeed.

Guddoomiyaha Guddiga adeega bulashadda Golaha Shacabka, Dr Cusmaan Maxamed Maxamuud Dufle, ayaa tilmaamay in ujeeddada ugu weyn booqashadooda ay tahay ka warqabka adeegayada caafimaad iyo bulshada ay helaan, kaasi oo qeyb ka ah warbixin sanadeedka la xiriira adeegyada bulshada, oo sanadkii mar ay golaha baarlamaanka horgeeyaan.

Dr Cismaan Maxamed Maxamud Dufle ayaa u sharxan bilada Nobole Peace prize, kadib markii uu dhawaan ku guuleystay bilad sharafeed ay guddoonsiisay hay’ad fadhigeegu yahay dalka Talyaanniga, kaasi oo uu ku muteystay u adeegidda bulshada.

bukan-eg-1 (1) bukan-eg-2 bukan-eg-3 bukan-eg-4 bukan-eg-5 bukan-eg-6 bukan-eg-7 bukan-eg-9

 

LEAVE A REPLY

Please enter your comment!
Please enter your name here