Guddiga Baarlamaanka Galmudug u qaabilsan doorashada Aqalka Sare oo doortay Guddoon cusub

Kulankii ugu horeeyey oo ay yeeshaan Xubnaha Guddiga Doorashoyinka Aqalka Sare ee Baarlamaanka Galmudug ayaa doortay Gudoon cusub oo inta doorashada Aqalka Sare socoto shaqada hogaamin doono.

Guddiga ayaa cod gacan taag ah Guddoomiye ugu doortay Cabdiwahaab Maxamed Axmed, halka guddoomiye ku-xigeenka loo doortay Cabdirixiin Axmed Cigaal, sidoo kale xoghayaha Guddiga ayaa noqday Xildhibaan Yaasiin Maxamed Cabdiraxman.

Guddiga Xildhibaannada Baarlamaanka Galmudug ee uu magacaabay Guddoomiyaha Baarlamaanka Galmudug ayaa diyaarin doona qabashada doorashada Aqalka Sare, iyagoo la shaqeynaya guddiga doorashada heer dowlad Goboleed ee Galmudug