Guddiga doorashooyinka Galmudug oo bilaabay diiwaan gelinta musharaxiinta u tartamaya Aqalka Sare

Guddoomiyaha guddiga doorashooyinka heer dowlad goboleed ee Galmudug Maxamed Daahir Guuleed, ayaa maanta shahaadada musharaxnimada guddoonsiiyey qaar ka mid ah musharaxiinta u tartamaya qabashada qaar kamid ah kuraasta golaha Aqalka Sare ee deegaan doorashadoodu tahay Galmudug.

Beri ayaa la filayaa in magaalada Dhuusamareeb ay ka bilaabato doorashada Lix kursi oo ka mid ah kuraasta Aqalka sare ee taala Galmudug, kuwaa oo ay u codeeyn doonaan Xildhibaanada Dowlad gobaleedka Galmudug.