Guddiga Joogtada ah ee Golaha Aqalka sare oo maanta qodobo muhiim ah ka hadlay+Sawirro

0
2240

Guddiga Joogtada ah ee Golaha Aqalka sare oo maanta kullan ku yeeshay magaalada Muqdisho ayaa waxay kaga hadleen arrimo muhiim ah oo ay ugu horeyso diyaarinta qorshaha berito ah oo kullanka guud ee Golahu uu dhacayo,waxaana kullanka beri diirada lagu saari doonaa dib u eegista xeer hoosaadka Aqalka wax ka bedelna lagu sameyn doono.

Xoghayaha Joogtada ah ee Golaha Aqalka sare Cali Maxamed Jaamac oo kullanka ka dib warbaahinta la hadlay ayaa faah faahin ka bixiyay waxyaabihii looga hadlay kullanka Guddiga joogtada ah ee Golaha Aqalka sare.

“ Maanta oo ay taariikhda ahayd 28ka bisha April ee 2018-ka,Guddiga joogtada ah ee Golaha Aqalka sare ee Baarlamaanka Soomaaliya wuxuu lahaa fadhigiisii 9-aad waxaa lagaga hadlay arrimo muhiim ah oo ay ugu muhiimsaneyd diyaarinta Agendaha berito oo kullanka guud ee Golaha uu dhacayo “ Inshallah”,Agendaha looga hadli doono waxaa ka mid ah dib u eegista Xeer hoosaadka oo wax ka bedel lagu sameyn doono oo uu Aqalka sare u soo gudbiyay Guddoomiyaha Guddiga Xeer Hoosaad”, ayuu yiri Xoghaye Cali Jaamac Maxamed.

Sidoo kale,Xoghayaha Joogtada ee Golaha Aqalka sare oo hadalkiisa sii wata ayaa sheegay in kullanka Guddiga joogtada ah ee Aqalka sare lagaga arrinsaday arrimaha Amniga Golaha iyo Qaranka intaba,waxayna sidoo kale Guddiga joogtada ah isla soo hadal qaadeen masiibada bini-aadanimo ee ka taagan deegaanada Hirshabeelle gaar ahaan magaalada Baladweyne ee xarunta Gobolka Hiiraan oo dad badan ay saameyn ku yeesheen Fatahaada Wabiga Shabeelle.

Guddiga Joogtada ah ee Golaha Aqalka sare ayaa dadaal ugu jira dardar gelinta qorshe howleedka Golaha,waxayna isku raaceen in arrinta fatahaada Baladweyne iyo saameynta dadweynaha ka soo gaaray looga doodo kullanka guud ee Golaha uu yeelanyo.

Did you like this? Share it:

LEAVE A REPLY

Please enter your comment!
Please enter your name here