Guddiga Maaliyadda ee Baarlamaanka oo ku baaqay in lahelo shilin Soomaali

1583

Guddiga Maaliyadda Baarlamaanka Soomaaliya ayaa Wasaaradda Maaliyadda weydiistay in ay wax ka qabato qiima dhaca ku yimid lacagta Shilin Soomaaliga ayna soo daabacdo Lacag Cusub.

Xildhibaan Samaan Maxamed Sheekh Daahir oo ah Guddoomiyaha guddiga maaliyadda ee baarlamaanka ayaa mar uu ka hadlayay munaasabadii uu xilka kula wareegayay Wasiirka cusub ee Maaliyadda waxa shaaca ka qaaday in bulshada ay dhibaato ku qabto lacagaha iska bar bar shaqeynaya ee kala ah tan shilinka Soomaaliga iyo tan kale ee dhanka ah hawada ah, Wasaaradduna looga fadhiyo inay arrimahaasi wax ka qabato soona daabacaan lacago cusub oo shilin Soomaali ah, si looga baxa dhibaatadaasi.

Xildhibaanka ayaa xusay in ay sii qiimo beeleyso lacagta shillin Soomaaliga ah, isla markaana ay jiraan shirkado lacagta si hawo ah ku bixiya, taasi oo uu ku tilmaamay inay qeyb ka qaadan karto qiimo dhaca ku yimid lacagta Shilin Soomaaliga ah.

“Mushkiladda jirta hadda waxa ay tahay labo lacag oo iska garab shaqeyneyso oo mid ah tii kaashka ahayd iyo mid hawada ah oo ay sameysteen shirkado gaar ah, waajibaadka ugu culus Wasaaradda iyo hay’adaha hoosyimaada ee xagga lacagta ah waxa ay tahay in la soo celiyo shilin Soomaali iyo in la sameeyo siyaasad xagga lacag ah ku saabsan” ayuu hadalkiisa ku daray Xildhibaan Samaan.

Muddooyinkii ugu dambeeyay ayaa waxaa isa soo tarayay baaqyada loo jeedinayo Madaxda Wasaaradda Maaliyadda oo ah inay soo daabacaan lacago shilin Soomaali ah, maadaama hada la isticmaalo kun shilin oo kaliya, isla markaana uu sii qiimo beelayo.

Did you like this? Share it:

LEAVE A REPLY

Please enter your comment!
Please enter your name here