Guddiga madaxa banaan ee xalinta khilaafka NUSOJ oo la kulmay suxufiyiin

Guddi dhawaan isu xilsaaray in uu soo afjaro khilaaf sababay in ururka Suxufiyiinta Qaranka uu yeesho labo hogaan, ayaa waxa ay maanta Muqdisho kula kulmeen suxufiyiinta ka howlgalla Warbaahinada kala duwan ee ku yaala Muqdisho, kaasi oo ujeedka kulanka ahaa sidii ay guddiga ku ogaan lahaayeen aragtida suxufiyiinta ee ah in la helo hal aragti oo la xiriirta xuquuqda wariyeyaasha.

Ismaaciil Sheekh Qaliifa oo ah guddoomiye ku-xigeenka Guddiga khilaaf bixinta saxaafadda ayaa tilmaamay in ujeedka guddiga loo aas aasay ay tahay xalinta khilaafka hogaanka Ururka NUSOJ.

Guddoomiyaha Guddiga khilaaf bixinta saxaafadda Cabdimaalik Yuusuf ayaa sheegay inay raadinayaan habkii lagu heli lahaa midnimo, isla markaana dhinacyada kala aragti duwan ay ka ogolaadeen guddiga xalinta khilaafka hareeyay hogaanka NUSOJ.

Agaasimaha Wakaaladda Wararka Qaranka Soomaaliyeed SONNA Mudane Cabdiraxmaan Yuusuf Sheekh Al-Cadaala oo ku hadlayaya magca Wasaardda Warfaafinta ayaa sheegay in mowqifka Wasaaradda uu yahay in ururka NUSOJ uu yahay mid madax banaan, isla markaana ay leeyihiin wariyeyaasha Soomaaliyeed.

Buuq ay sameyeen qaar ka mid ah suxufiyiintii kulanka ka qeyb gashay ayaa Guddiga waxa ay ku guuleysteen in xaliyaan tabashada qaar kamid ah suxufiyiinta, isla markaana la isku afgartay in guddiga la balaariyo oo ay ku yeeshaan xubno kale, taasi oo si wada jir ah la isku afgartay.

 

 

LEAVE A REPLY

Please enter your comment!
Please enter your name here