Guddiga-Wadajirka ee diyaarinta xeerarka Dhammaystirka Sharciga Doorashooyinka Qaranka oo hakiyay shaqadooda “SAWIRRO”

Guddiga-Wadajirka ah KMG ee diyaarinta xeerarka Dhamaystirka Sharciga Doorashooyinka Qaranka ayaa hakiyey Shaqadii uu maalmahanba hayay.

Guddiga-Wadajirka ayaa tilmaamay in sababo la xiriirto cudarka Coronovirus aawadii Guddiga wadajirka ah ee Doorashooyinka Qaranka oo maalmihii lasoo dhaafay kulamo isxogwareysi ah la lahaa Guddiga Madaxa banaan ee doorashooyinka Qaranka ay u soo idlaadeen, isla markaana wixii hadda ka dambeeya ay hakiyeen

Guddoomiyaha Guddiga Xildhibaan Ibraahim Isaaq Yarow ayaa maanta gelinkii dambe shir uu qabtay ku sheegay in shaqadii Guddiga ee socotay la hakiyey cabsi laga qabo faafidda cudurka Coronavirus oo walwal badan ku haayo caalamka oo dhan.

Guddiga-wadajirka ku meel-gaarka ah ee soo diyaarinta Xeerarka dhamaystirka sharciga Doorashooyinka Qaranka ayaa dhawaan kulamo gaar gaar ah la yeeshay Wasiirka Arrimaha gudaha, Dib-u-heshiinta iyo Federaalka Xukuumadda Soomaaliya iyo guddiga Madaxa banaan ee doorashooyinka Qaranka, kaasi oo looga hadlayay diyaarinta xeerarka dhamaystirka Sharciga Doorashooyinka Qaranka.

LEAVE A REPLY

Please enter your comment!
Please enter your name here