Guddoomiyaha Aqalka sare oo Hambalyo u diray Dhalinyarada Soomaaliyeed

660

Guddoomiyaha Golaha Aqalka sare ee Baarlamaanka Soomaaliya Mudane Cabdi Xaashi Cabdullaahi ayaa dhalinyarada Soomaaaliyeed ugu Hambalyeeyay 15-May Maalinta la aasaasay Ururka Gobanimo doonka ee SYL.

Mudane Cabdi Xaashi ayaa sheegay in Maalintan ay tahay Taariikh ku weyn guud ahaan Umadda Soomaaliyeed, wuxuuna Dhalinyarada ugu baaqay inay qaataan door la mid ah kii SYL.

“15-ka May Waa Maalintii Dhalinyarada Soomaaliyeed ee 13-ka ahaa ay sameeyeen Ururkii Gobanimo doonka ahaa 1943, Taariikhdaasi oo ay kasoo wareegtay 75 sano, waa ururkii usoo halgamay Gobanimada Soomaaliya, 43-dii ilaa iyo 60-kii u dagaalamayay Soomaaliya inay Gobanimo gaarto oo ku guuleystay 1-dii Luulyo 1960, Waxaan ugu hambalyeynayaa dhamaan Dhalinyarada Soomaaliyeed 15-ka May dhalashadii Ururkii SYL, waxaana ugu baaqayaa inay laba jibaaraan doorka ay ku hormarinayaan dalka”.ayuu yiri Guddoomiye Cabdi Xaashi.

Dhalinyarada Soomaaliyeed waxaa looga fadhiyaa iney ku daydaan dhalinyaradii aas’aastay ururka SYL kana soo horjestaan afkaaraha wax duminaysa sida qabyaalada iyo xagjirnimada, islamarkaana ay ku dadaalaan sidii dalkeena looga saari lahaa dhibaatada si ay taariiqda uga galaan baal dahab ah.

Did you like this? Share it:

LEAVE A REPLY

Please enter your comment!
Please enter your name here