Guddoomiyaha Awdheegle oo sheegay inay nolosha ku qabteen qaar ka mid ah Argagixisadii weerartay degamadaas

Guddoomiyaha degmada Awdheegle Cabdulaahi Cismaan Abuukar oo la hadlay Radio Muqdisho ayaa u sheegay in gacanta lagu soo dhigay Qaar ka mid maleeshiyadii Al S habab ee hoobiyaasha ku weeraray Awdheegle.

Guddoomiyaha ayaa sheegay in 3 guri ay waxyeelo u geesteen hoobiyaasha 16 qof oo shacab ahna ay ku dhaawacmeen, laba qof oo dhaawacoodu uu halis ahaana loo qaaday magaalada Muqdisho.

Guddoomiyaha degmada Awdheegle ayaa sheegay in tira dhoor jeer ah la sooqab qabteen maleeshiyaad Al Shabab ah oo hoobiyaal ku weeraray degmada, shalay ilaa maatana uu socdo howlgalka la gu baadi goobayo.